Þekking á nærumhverfinu eykur virðingu fyrir því og hvetur til bættrar umgengni. Einstaklingar sem umgangast og þekkja náttúrulegt landslag í sinni heimabyggð eru líklegri til að taka afstöðu með náttúrunni og þannig stuðla að vernd hennar.
Horfa
Lesa
Hvað eru átthagar?
Í stuttu máli er það umhverfi, náttúra og samfélag í eða nálægt heimabyggð okkar.
En til þess að útskýra það aðeins nánar þá er hægt að skipta átthögum gróflega í nærumhverfi annars vegar og nærsamfélag hins vegar.
Nærumhverfi
Til nærumhverfis telst þá það sem er að finna í umhverfinu, bæði náttúrulegt landslag, eins og fjöll og dalir, fossar og fjörur, og manngert umhverfi eins og byggingar, vegir, stígar og almenningsgarðar svo eitthvað sé nefnt.
Hvernig lítur nærumhverfi skólans út?
Eru hólar eða hæðir? Fjöll og dalir? Getið þið farið í ferð út fyrir skólann þar sem þið upplifið breytt landslag? Hvernig hefur það landslag myndast? Þekkir þú einhver örnefni í nærumhverfinu?
Nærsamfélag
Til nærsamfélagsins teljast svo íbúar samfélagsins og það sem þeir hafa byggt upp, s.s. félög, samtök, stofnanir, fyrirtæki og önnur samfélagsfyrirbæri.
Hvaða stofnanir og fyrirtæki er að finna í nágrenninu?
Getið þið haft samband við fólkið sem býr og starfar í kringum skólann? Getið þið kennt þeim eitthvað eða lært eitthvað af þeim? Getið þið haft áhrif á nærumhverfið ykkar með einhverjum hætti. Dæmi eru um að nemendur í Grænfánaskólum hafi sent sveitafélögum ábendingar og beiðnir, t.d þar sem óskað er eftir betri umgengni í bæjarfélaginu eða jafnvel tillögur að breytingum í skólalóðinni.
Allir geta haft áhrif á samfélagið sem þeir búa í.
Afhverju er mikilvægt að þekkja átthaga?
Þekking á nærumhverfinu eykur virðingu fyrir því og hvetur til bættrar umgengni.
Einstaklingar sem umgangast og þekkja náttúrulegt landslag í sinni heimabyggð eru líklegri til að taka afstöðu með náttúrunni og þannig stuðla að vernd hennar.
Með því að kynnast stofnunum og fyrirtækjum í nærsamfélaginu lærum við betur á samfélagið sem við búum í og vitum hvert við eigum að leita um ákveðin málefni.
Þannig getum við einnig haft áhrif á samfélagið og umhverfið til hins betra.
Hver einstaklingur eru mikilvægur hluti af sínu samfélagi.
Það er nauðsynlegt að ríkis- og sveitarstjórnir, fyrirtæki og stofnanir hafi umhverfi og fólkið í samfélaginu ætíð í fyrirrúmi við allar ákvarðanir og gjörðir.
Fólkið í samfélagins þarf að fá að hafa eitthvað að segja í ákvörðunum sem snerta það. Það á að hafa vald til að setja pressu á fólkið sem stjórnar.
Við getum öll haft áhrif
Verkefni
Nemendur skoða nærumhverfið sitt með gagnrýnum augum. Meta hvað þeir vilja að sé til staðar í nánasta umhverfi sínu út frá ólíkum þörfum einstaklinga. Nemendur tjá hugmyndir sínar um lausnir taka afstöðu til málefna sem varða heimabyggð með því að vega og meta ólíka kosti. Verkefni fyrir 12-20 ára
Ítarefni
Horfa
Lesa
Námsefni
atthagar.is – Vefur Grunnskóla Snæfellsbæjar um átthagafræðslu. Verkefni og skólanámskrá.
Fuglar og náttúra í nærumhverfi. bók eftir Cécile Chauvat, Jessica Aquino, og Einar Þorleifsson
Bókin könnum kortin 2, nærumhverfi og átthagar Könnum kortin 2 – rafbók. MMS.
Hreint haf. MMS og Landvernd. Rafbók og verkefnasafn um hafið og ógnvalda þess.
Hreint haf – Plast á norðurslóðum. MMS og Landvernd.
Halló heimur 1 – umferðin. MMS.
Halló heimur 1 – umhverfið okkar. MMS.
Flott vefsíða hjá grunnskólanum í Hveragerði um útikennslu í nærumhverfi ÚTIKENNSLA – Forsíða (weebly.com)
Viljum við náttúru á skólalóðina Verkefni fyrir unglingastig